九町屋 (已搬遷) 新店位置

早排開始係北角返學先知原來呢區有咁多餐廳，而且價錢都非常親民，Lunch time同學仔帶咗我黎呢間九町屋試試，話性價比超高喎！門口有唔少擺設都幾可愛～日式裝修，望落都舒服企理。填Menu落單，夠哂方便。同朋友都點咗主食+小食+飲品，埋單好似人均都唔洗$100，咁多野食，真係好抵。小食：炸餃子、吉列炸芝士兩款炸物都熱辣辣上枱，色澤金黃，夠哂開胃。餃子炸到外皮香脆，裡面既肉汁都一啲冇流失，juicy。主食：吉列豬扒咖哩飯、黃金大蝦煎飯咖哩味非常香濃，係好傳統既日式甜咖哩，好開胃，薯仔入哂味又軟腍，一流！吉列豬扒比想像中厚身，配上咖哩汁好惹味。煎飯感覺新鮮，椰菜加肉醬汁，酸酸甜甜，有少少食緊Taco rice既感覺，食到好想去旅行🥹。