小飛俠美食

佢未搬到哩個地址時我已經經常幫襯，雖然不是太好食，但喺哩區嚟講，50蚊有湯有飲品有嘢食，已經算好好。
佢搬到新址，比較近我公司，有時懶懶地都會過嚟食，一直都覺得無咩。
今日嚟食時，我叫了個咖哩牛腩飯加凍飲都已經53蚊，當嘢食送到，我就問點解無湯嘅，個侍應話得海南雞先有湯，我話下，我不嬲食咁多次都有湯送喎，佢再去問其他人，返嚟就話無湯送，我做咁耐都係咁，我直接同佢講，我嚟食嘅時候你都未嚟喎，佢竟然回我一句，咁你問其他人囉。
咁嘅價錢，咁嘅態度，我終於明點解隔離要等位，哩度直入大把位俾人揀嚟食了。
真係太失望！