嚐越 (已結業)

自從上次去完越南，已經好掛住當地既美食。係香港亦好難搵得番果種風味，今日誤打誤撞，竟然搵得番旅行既味道！就係呢間！位於九龍灣德福二期四樓既嚐越～可能因為平日放工去食，同埋二期人流相對較少，岩晒我呢d怕人多，又想坐得舒服既人！環境真係唔錯～見到menu好多野都好想食，價錢都唔算貴，但都怕會食唔晒，就決定叫d主食睇下份量先～點知一上菜，已經心諗，「嘩！咁大份既？食唔食得晒架。。。」滿滿既菠蘿炒飯！香港仲有邊度搵到咁大個而又唔會偷工減料既食店？真係到底架～同埋超級多菠蘿，飯炒得好香，呢個真係必叫！推介👍🏿有圖有真相，真係好足料👍🏿d野食都黎得好快下～第二樣主食，安南炒金邊粉。份量都係好多，加埋辣椒醬勁香。勝在唔算好多油，有時食出面其他炒粉麵食到驚，呢個反而恰到好處。馬拉盞炒通菜，份量多到似一份主食。以份量黎計番，其實係超值。而且d野食勁開胃，所以一不小心就已經食到好飽......好唔爭氣地叫多左個甜品食，因為實在太吸引雙層香芒黑白漢堡，即係芒果糯米飯心型賣相十分之特別，面層外圍係黑糯米，內圍就係普通糯米，中間夾住厚厚、鮮甜多汁既芒果肉，加埋椰汁同椰絲既點綴，心思同味道都係滿分，