小漁港海鮮舫 鮮蒸‧鮮味火鍋

营业中

休息中

門口啲海鮮超大隻超生猛 今次叫嘅二人餐有刺身 時令海鮮 椒鹽豆腐 時蔬 烏冬同埋海鮮粥佢哋仲有好多靚酒（連香檳都有埋🤣）先嚟嘅係刺身拼盤 有成七款刺身咁多 仲有一隻龍蝦🦞跟住即刻再俾多隻蒜蓉龍蝦你嘆一食完就上下一個蒸鍋 店員超好服務 每上一個鍋都會幫你較好時間 確保溫度同時間啱啱好 夠鐘即刻幫你開蓋 蟶子生蠔蜆樣樣齊 海鮮都好鮮甜 小編靜雞雞話俾大家知一個隱藏食法 就係將椒鹽豆腐嘅椒鹽倒落啲海鮮度 又多種味道🤫跟住仲有薄切牛 蟲草雞肉烏冬同埋蔬菜 蟲草雞油味滲透入啲烏冬入面 超香😽最後仲有海鮮粥 當每個蒸鍋喺上面煮緊嗰陣 呢個粥都係下面熬製 吸收晒啲海鮮味啦😻食完正餐點都要有嚿甜品塞落口先開心 所以餐廳就比紅豆糕作結 真係飽到捧住個肚走