影片
更多
2024-01-04
24 浏览
呢間新開嘅西餐廳，菜式選擇超多，淨係本Menu都成本字典咁厚📚！餐廳裏面裝修有啲似攝影棚，座位都幾闊落而且企理，仲有個大電視可以睇！菜式方面有唔少嘅西式料理，由扒類到意粉🍝都有齊，佢甜品做得更加出色，簡直係一間被西餐耽誤嘅甜品店🤩！所以今次專登衝住佢嘅甜品而來，順便試咗佢嘅西餐，出品質素都唔錯，性價比頗高，啱晒同朋友嚟食晚飯直落甜品！------------------------------🐖◖慢煮豬肝◗ $58佢個慢煮豬肝做得好出色，食落一啲都唔韌，事先搽咗啲秘製醬汁，食落好入味甜甜鹹鹹咁，更添風味！ 🐓◖檸檬烤雞◗ $138呢度有半隻嘅份量，都唔少！採用新鮮三黃雞，雞肉嫩滑，而且雞味濃郁！雞隻先用檸檬汁同香草醃製兩日以上，再慢烤40分鐘，充滿檸檬嘅清香，食落超多肉汁！🥞◖榴槤鬆餅◗ $82佢同日式疏乎厘有少少唔同，鬆餅嘅口感比較實在，蛋香味濃郁，食落比較似蛋糕。配上成球嘅馬來西亞榴槤肉，混合咗啲杏仁曲奇碎，搽喺個鬆餅到超香；或者可以配合佢嘅忌廉同雲呢拿雪糕一齊食，一凍一熱，甜甜地，幸福感max！🍯◖蜂蜜肉桂窩夫◗ $66原味窩夫充滿蛋香，外面夠脆，裏面氣孔都幾多幾鬆軟！配上肉桂香
------------------------------
🐖◖慢煮豬肝◗ $58
佢個慢煮豬肝做得好出色，食落一啲都唔韌，事先搽咗啲秘製醬汁，食落好入味甜甜鹹鹹咁，更添風味！
🐓◖檸檬烤雞◗ $138
呢度有半隻嘅份量，都唔少！採用新鮮三黃雞，雞肉嫩滑，而且雞味濃郁！雞隻先用檸檬汁同香草醃製兩日以上，再慢烤40分鐘，充滿檸檬嘅清香，食落超多肉汁！
🥞◖榴槤鬆餅◗ $82
佢同日式疏乎厘有少少唔同，鬆餅嘅口感比較實在，蛋香味濃郁，食落比較似蛋糕。配上成球嘅馬來西亞榴槤肉，混合咗啲杏仁曲奇碎，搽喺個鬆餅到超香；或者可以配合佢嘅忌廉同雲呢拿雪糕一齊食，一凍一熱，甜甜地，幸福感max！
🍯◖蜂蜜肉桂窩夫◗ $66
原味窩夫充滿蛋香，外面夠脆，裏面氣孔都幾多幾鬆軟！配上肉桂香蕉、雲呢拿雪糕同甜忌廉，窩夫簡單得嚟又香又好食！
🍧◖芒果綿綿冰◗ $66
佢呢度嘅刨冰係綿綿冰，鉋刀一片片咁樣，食落口一啲顆粒感都冇，入口即溶！呢個芒果味刨冰，用上新鮮芒果、啫喱條同爆爆珠，整體味道唔會好甜，幾清香！
🍵◖小菊水果伯爵茶◗ $32
佢個水果茶用茶壺浸泡上枱，用上川寧伯爵茶包，加入小菊同埋水果，味道微甜有層次，仲帶點水果嘅香氣！
🌟Encore指數：8.9/10
张贴
