影片
更多
2021-05-28
88 浏览
安平燒肉荃灣眾安街55號大鴻輝(荃灣)中心17樓自從牛大人喺香港開咗之後都非常之受歡迎，今次就佢嘅姊妹店安平燒肉都係荃灣開咗，急不及待book位試吓！燒肉總共有四個套餐，我今次就同朋友揀咗最貴嘅澳洲m5和牛套餐（$358），趁着出糧食返餐好嘅，選擇非常多，總共有81款食物，希望兩個鐘內可以試得晒。一嚟到當然叫咗佢哋嘅肉類先啦，我哋即刻燒咗澳洲M5和牛，果然肉質非常之嫩滑，油脂香醇，每食一啖都充滿肉汁。而鹽燒牛舌非常爽口，加上薄切，我哋都一口接一口停唔到！另外我哋再推介SRF極黑霜降牛肉眼，都係非常鮮牛肉味，絕對高質。喺海鮮方面，最有特色嘅就係燒魚腹，本身舖頭已經將魚腹腌過，再輕輕烤一烤真係非常香魚味，我哋認為比鰻魚更加入口即溶同埋鮮味。另外我哋都再嗌咗一口鮮貝，亦都非常重海鮮味，不過唔食得辣嘅就千祈唔好揀麻辣啦，因為都好辣下哈哈。而至於帆立貝，大隻得來又新鮮，配埋面頭食嘅牛油更加突顯風味，虎蝦亦都非常大件，黑頭亦充滿蝦膏配埋黃金醬食好惹味。食完之後覺得除咗肉類之外海鮮都做得好出色。小食類我哋都點左唔同嘅台灣小食，有涼拌滷水鴨舌，鴨舌一直都賣得唔平，呢度可以任食，而且滷水味十足，我哋都食
荃灣眾安街55號大鴻輝(荃灣)中心17樓
自從牛大人喺香港開咗之後都非常之受歡迎，今次就佢嘅姊妹店安平燒肉都係荃灣開咗，急不及待book位試吓！
燒肉總共有四個套餐，我今次就同朋友揀咗最貴嘅澳洲m5和牛套餐（$358），趁着出糧食返餐好嘅，選擇非常多，總共有81款食物，希望兩個鐘內可以試得晒。
一嚟到當然叫咗佢哋嘅肉類先啦，我哋即刻燒咗澳洲M5和牛，果然肉質非常之嫩滑，油脂香醇，每食一啖都充滿肉汁。而鹽燒牛舌非常爽口，加上薄切，我哋都一口接一口停唔到！另外我哋再推介SRF極黑霜降牛肉眼，都係非常鮮牛肉味，絕對高質。
喺海鮮方面，最有特色嘅就係燒魚腹，本身舖頭已經將魚腹腌過，再輕輕烤一烤真係非常香魚味，我哋認為比鰻魚更加入口即溶同埋鮮味。另外我哋都再嗌咗一口鮮貝，亦都非常重海鮮味，不過唔食得辣嘅就千祈唔好揀麻辣啦，因為都好辣下哈哈。
而至於帆立貝，大隻得來又新鮮，配埋面頭食嘅牛油更加突顯風味，虎蝦亦都非常大件，黑頭亦充滿蝦膏配埋黃金醬食好惹味。食完之後覺得除咗肉類之外海鮮都做得好出色。
小食類我哋都點左唔同嘅台灣小食，有涼拌滷水鴨舌，鴨舌一直都賣得唔平，呢度可以任食，而且滷水味十足，我哋都食咗幾條。蚵仔煎就食得多，呢度嘅炸蚵卷亦都非常鮮蚵仔味，加上炸過，再溝埋韭菜碎，之後更加香脆可口，我哋都覺得比柯仔煎更加好味，另外我哋仲嗌左台灣小枕頭，即係烤麻薯，麻薯香脆得來帶點軟熟，個口感好特別
飲品選擇非常多，除咗有普通放題可以見到嘅飲品之外，仲有台灣嘅特色飲品，我就不停encore我最愛嘅冬瓜茶飲
去到最近尾聲，每人會有一杯Häagen-Dazs雪糕贈送，作一個完美嘅總結
連埋+1 ，$400都唔使就可以食到咁高質嘅和牛燒肉放題，真係超值，加上地方好近我哋，相信有機會再嚟試吓
另外值得一提嘅就係，呢度嘅店員服務質素係放題裏邊見過最好嘅，除咗入座嘅時候向我哋詳細介紹醬料同食物種類之外，基本上我哋每食完一碟肉，店員就會即刻過嚟執枱，而且不時會過嚟問我哋需唔需要換網底，值得嘉許😊
张贴
