影片
更多
2022-09-08
60 浏览
灣仔胡忠大廈對面嘅呢一間咖啡店，可能因為鄰近商業大廈，加上舖頭本身設計都好新穎、簡約，所以就算過晒lunch hour都仲係好多人🫣Brunch Board嘅選擇非常多，首先可以選擇麵包或者飯，跟住就有幾十款嘅side dish可以俾你慢慢揀🤔四至六碟嘅side dish分別對應咗唔同嘅價錢。就算你唔想食咁多餸，都可以嗌少啲配菜，食曬再添加麵包/飯，自由度非常高🤤Chocolate Danish Loaf Bread(朱古力丹麥麵包) 硬身嘅麵包，依然帶有一點柔軟，咀嚼上嚟口感鬆軟，加上淡淡嘅朱古力味，非常開胃☺️Sourdough(酸種麵包) 質地乾脆，味道上帶點微酸，好醒神好清新😌Salty Egg Yolk Boston Lobster 今餐嘅highlight😍有好大隻嘅龍蝦鉗同埋半個身，加起上嚟都有好大舊嘅新鮮龍蝦肉，真係食得好滿足，絕對物有所值🥳Onsen Tamago好光滑嘅溫泉蛋，兩隻蛋黃嘅份量，戳開之後睇住啲蛋黃慢慢流出嚟，嗰份視覺享受真係100分！🤓Mushrooms Salad唔錯嘅開胃小菜，沙律以平菇為主，口感清爽😋Roasted Potato 連皮嘅薯仔，口感比
灣仔胡忠大廈對面嘅呢一間咖啡店，可能因為鄰近商業大廈，加上舖頭本身設計都好新穎、簡約，所以就算過晒lunch hour都仲係好多人🫣
Brunch Board嘅選擇非常多，首先可以選擇麵包或者飯，跟住就有幾十款嘅side dish可以俾你慢慢揀🤔四至六碟嘅side dish分別對應咗唔同嘅價錢。就算你唔想食咁多餸，都可以嗌少啲配菜，食曬再添加麵包/飯，自由度非常高🤤
Chocolate Danish Loaf Bread(朱古力丹麥麵包)
硬身嘅麵包，依然帶有一點柔軟，咀嚼上嚟口感鬆軟，加上淡淡嘅朱古力味，非常開胃☺️
Sourdough(酸種麵包)
質地乾脆，味道上帶點微酸，好醒神好清新😌
Salty Egg Yolk Boston Lobster
今餐嘅highlight😍有好大隻嘅龍蝦鉗同埋半個身，加起上嚟都有好大舊嘅新鮮龍蝦肉，真係食得好滿足，絕對物有所值🥳
Onsen Tamago
好光滑嘅溫泉蛋，兩隻蛋黃嘅份量，戳開之後睇住啲蛋黃慢慢流出嚟，嗰份視覺享受真係100分！🤓
Mushrooms Salad
唔錯嘅開胃小菜，沙律以平菇為主，口感清爽😋
Roasted Potato
連皮嘅薯仔，口感比較豐富，而且薯仔嘅軟硬度都調校得恰到好處，攞嚟做配菜一流🥰
张贴
