八月茶室 (南豐中心)

記得餐廳開張冇幾耐我地幫襯過，當時環境好舒適，座位寬敞乾淨，食物好味，今次經過這商場就梗係要再幫襯下， 果然冇失望...水準keep得到之餘仲多左好多選擇。一坐低侍應就送上兩碗熱辣辣嘅例湯，雖然係例湯但都好足料。 邊飲湯邊選擇食咩。

黃金脆皮蝦球
外脆內嫩，脆皮鬆化滿滿鹹蛋黃嘅香味，蝦仁夠爽口。

涼瓜炆倉魚
涼瓜牛肉就食得多今次第一次食涼瓜炆倉魚，這個配搭很不錯，醬汁好野味，條魚又大又厚肉。

芝麻黑糖醋骨
賣相已經好吸引，醬汁酸酸甜甜好開胃，排骨外皮仲有少少脆。

馬拉盞炒雜菜
味道濃淡適中，蔬菜爽口，出面好多餐廳都有這個菜式但係通常都會好喊醬汁太濃，這裡味道剛剛好。

1

#香港美食 # 茶餐廳美食#中式小菜