滿屋日本料理 (大鴻輝(荃灣)中心) (已結業)

見到個個都食大閘蟹，好痕就睇吓有冇啲任食大閘蟹，點知睇到荃灣滿屋，除咗大閘蟹放題，仲有榴槤放題😍😍😍😍真係啱晒我哋！以前細個會過嚟大鴻輝食飯，成日覺得環境麻麻哋，但係今次去到滿屋，發現座位都闊落，而且自助餐區選擇眾多，仲有榴槤蓉！🥰🥰🥰除咗一般放題有嘅嘢！我哋叫嘅C餐，仲有拖羅同蟹腳可以食！質素好OK，中拖羅非常肥美，而且無筋👍🏻蟹腳啖啖肉，非常好食！除此之外仲有海膽都係任食！海膽俾得非常大方，非常甜！真係超正超正！重頭戲梗係大閘蟹啦，大閘蟹size細細隻，不過打開咗超有驚喜，因為都係爆膏！啲膏唔苦，唔錯唔錯😋最不得了嘅一定係榴槤放題！除咗凍榴槤，佢仲有烤榴槤！吼榴槤超級正！燒到外皮焦糖咁樣，咬落口煙煙韌韌非常好食！除此之外，仲有避風塘炒蟹，啲蟹都正㗎 ！食物種類繁多，同平時啲放題呢一間真係超有驚喜，下次會再嚟食👍🏻👍🏻👍🏻