新店環境尚算衛生乾淨企理，同男朋友去嘅時候一個客人都冇。點餐嘅時候見到店員掛住同隔離鋪頭嘅人傾計仲喺度食蜜瓜
企喺收銀枱前一陣佢先見到我地再過黎幫我地點餐
點左一杯佢地主打嘅黑糖黑玉鮮牛乳，m size $38，叫左少甜少冰。飲落去第一啖都覺得幾濃牛乳味，話哂鮮牛乳差極有限。到飲到珍珠嘅時候，發現啲黑糖珍珠超級硬！
一啲都唔Q彈，似係放左好耐唔新鮮嘅珍珠，咁差嘅珍珠都拎出黎賣，一啲誠意都冇，仲難食過台式/街邊十幾數杯珍奶嘅素質！
重點係賣成$38蚊一杯，都夠膽比啲素質仲要差過小食店嘅珍珠比客人！我真係極度唔滿意！飲到嬲！同男朋友兩個人飲一杯m size都飲唔曬，啲珍珠太硬膠食唔落！真係免費請我飲都唔會再飲！怪唔知呢間野水靜河飛，難飲到咁，個個中過一次巨伏都唔會再飲。建議大家都係去飲返天仁/老🐯堂，$30杯嘅都好飲過佢多多聲。
