緣味小聚 (金百利廣場) (已結業)

佢哋落廣告誤導消費者；寫住每晚十點後有3拆！我哋見到咁吸引，就提早喺一個星期之前預訂咗兩個位，琴晚去到就話海鮮有限，進一步問及海鮮有限即係乜嘢意思？侍應就話龍蝦 鮑魚 生蠔都冇晒(主食都係呢啲)。咁你冇晒啲嘢就提早當晚喺電話度講俾人哋知啦！嘥晒我哋啲時間同埋車錢，更何況我哋琴晚21:50分已經到場，見到整個廳面靜英英，得番一枱客喺度坐緊，生意靜到咁，你話有冇可能啲嘢咁早就沽清呀？咁嘅做生意呃人手法，想我哋下次再幫襯都幾難