ATMA (已結業)

之前上網咁岩睇到上水圍有cafe，原來已經開左一年，今日就一大一細2個人去探索下，睇地圖，用左15分鐘行過去。真係幾隱秘，係村內，但個門口好易認，入到去個環境好有文青feel，冷色做主調 ，仲有一架街機，但我更喜歡戶外既雅坐，今日入到去無餐牌，我當然有問有咩食加上我有個小朋友，店員話黑松露烏冬，同牛肉丼飯都岩小朋友，咁岩我又見到有牛角包，就特別要左隻純牛角包， 上既時候仲已加熱左加上有啲香草係牛角包上，好香脆。店內員工都好親切友善，我小朋友應該感受到友善，所以佢都有試下自己order。另外叫左杯熱朱古力，朱古力都有拉花， 而且個拉花飲到最後都仲有個形係度👍，今次黎到無蛋糕出爐， 期望下次嚟到可以食到。另外呢邊係歡迎貓貓，同狗狗一齊黎。