煮打菜打冷小菜館 (已結業)

約咗個老死筲箕灣家共聚，晩飯時段共聚，佢帶我嚟呢間食打冷菜，入到去呢度都有D裝修，唔似一般打冷咁成間大排檔feel，叫做有D卡位坐，都幾舒服咁。叫咗個潮洲鹵水併盤，啲鹵水夠陳香，鹵料入晒味，D豬腸腍到化境，柔潤有鹵水香，墨魚有鮮味，咬落帶煙韌，也是入晒味，豬耳夠爽帶膠質，生暘好有鹵水咪，煙煙韌韌越吃越好味，香腸簿切，也十分入味，腩肉肥香又入味，好味都暈。鹵水野十分有水準。牛油蒜蓉焗蜆，D蜆大隻肉多，蒜蓉又多，牛油香，味道清淡，無蓋過蜆肉鮮甜。蠔仔餅一流，入面有埋鴨蛋，炸到表面相當酥脆，加只蔥和芫䇴香，D蠔仔是較大隻，份量都多，加埋魚露食，香口惹味+鮮味到不得了，咁多香口菜，叫埋幾枝啤酒啤下吹下水先過癮!