超羣麵包西餅 (金寶樓)

食過阿華田和焙茶系列，尤其前者簡直齒頰留香！超群今期又有新攪作，就係新嘅士多啤梨系列，今次媽媽買來士多啤梨芝士蛋糕 ($30)，另外要多兩個紫薯紙包蛋糕 (每個 $13)。***今次冇出黃金糕，有D失望！

好似之前一樣，蛋糕不太甜，好軟熟。不過士多啤梨好似同芝士唔太夾，我覺得唔太吸引！反而個紫薯紙包蛋糕有D瞄頭，甚具水準，唔太甜但充滿鮮甜的紫薯味，輕怡愜意。

食物方面超群真的不賴，睇埋個蛋糕盒設計又見出佢好體貼顧客！超群的紙盒幾有趣，驟看像其他品牌的揭蓋，但它細心之處就係正面位置有一個die cut懾入位，將兩隻 "耳仔" 懾入，拎起上黎又好似穩陣D喎。

士多啤梨芝士蛋糕，同埋紫薯紙包蛋糕

蛋糕盒外覆有一個die cut懾入位，感覺好似穩陣D。