金記冰室 (已結業)

今日約了好朋友食飯, 約了成半年終於成事。 老友知道我鍾意食海鮮， 專誠去荃灣楊屋道街市買新鮮海鮮，然後一齊上去隔離金記冰室加工。椒鹽瀨尿蝦 ，油鹽水花甲，避風塘炒蟹，薑蔥炒龍蝦，豉椒炒蟶子， 好味到不得了，除了因為海鮮好新鮮之外， 師傅炒得真的好好食，勁惹味， 每一味都好正， 連炒個通菜都一樣好食。 服務員又非常友善， 常常來幫忙換碟， 好愉快的一餐。