燒肉酒場 (已結業)

星期六晚上係銅鑼灣見到間間餐廳都爆曬，又好想食日式燒肉，即刻上嚟睇吓有冇邊間燒肉有位，見到佢有位負評又唔多，就諗住試吓。我哋三人行，俾咗張4人枱我哋，但係燒烤爐喺個枱底，非常之頂腳好辛苦。我哋分別叫左牛小排，厚切牛舌，羊西冷，雞脾菇試下。全部份量都非常之少，牛小排$128 得七舊超級薄既，厚切牛舌$138得四舊都唔算好厚切。羊西冷超級超級鞋，千祈唔好叫。重點！雞髀菇竟然收我$22仲要得四舊仔，嘩呢間餐廳啲份量真係令到我大開眼界。結果我哋三個人買單竟然要九百幾蚊，仲要食左陣風咁，完全唔知自己食左乜，仲要一肚氣。呢間餐廳真係有好多打手，希望大家唔好中伏！