影片
更多
2024-02-11
429 浏览
喺香港极少可以食到荷兰菜，朋友极度推荐嘅呢一间荷兰菜餐厅俾咗我超大嘅惊喜。之前去过荷兰，但系都唔觉得有特别啲咩好好食，但系呢个餐厅令到我觉得荷兰啲嘢原来系可以好好食。首先餐厅环境有极大嘅玻璃窗，可以俯瞰尖沙咀，好啱纪念日或者拍拖浪漫一下。餐厅亦都有一个位好似包厢咁，可以见到厨房，直接睇到厨师煮嘢食嘅样。餐厅嘅职员超级有心思会讲解每一道菜。讲吓𠮶日食咗啲咩，系厨师发办，估唔到西式餐厅都有厨师发办🤣大厨之后又出嚟同我哋倾吓偈，讲返系因为佢哋真系会以当日新鲜嘅食材去整嘢食俾客人，听完都觉得真系好有诚意🥺首先前菜有个自家制嘅肠仔，超级好食，我简直想买返屋企。个肠仔有少少咖喱同埋咖啡味。 将啲朋友解释到啊原来真系用咗呢两样嘢整，估唔到呢两样嘢整完出嚟嘅味道系咁好食！跟住仲有个炸牛肉丸，肉味香浓，超级松化橡木烟熏野生鳗鱼沙律，呢个系朋友极力推荐嘅菜式，本身都谂住只系鳗鱼，冇乜特别期望，但系食完之后超级惊喜！完全唔系平时食开𠮶种日本鳗鱼嘅味，味道鲜甜，肉质非常之Q弹！超特别！再加埋配个沙律汁，酸酸甜甜，非常之开胃龙虾汤 - 龙虾味超级浓郁，餐厅经理话呢一碗系超级足料，成只龙虾去煲嘅汤！同埋我非常欣赏
首先餐厅环境有极大嘅玻璃窗，可以俯瞰尖沙咀，好啱纪念日或者拍拖浪漫一下。餐厅亦都有一个位好似包厢咁，可以见到厨房，直接睇到厨师煮嘢食嘅样。餐厅嘅职员超级有心思会讲解每一道菜。
讲吓𠮶日食咗啲咩，系厨师发办，估唔到西式餐厅都有厨师发办🤣大厨之后又出嚟同我哋倾吓偈，讲返系因为佢哋真系会以当日新鲜嘅食材去整嘢食俾客人，听完都觉得真系好有诚意🥺
首先前菜有个自家制嘅肠仔，超级好食，我简直想买返屋企。个肠仔有少少咖喱同埋咖啡味。 将啲朋友解释到啊原来真系用咗呢两样嘢整，估唔到呢两样嘢整完出嚟嘅味道系咁好食！跟住仲有个炸牛肉丸，肉味香浓，超级松化
橡木烟熏野生鳗鱼沙律，呢个系朋友极力推荐嘅菜式，本身都谂住只系鳗鱼，冇乜特别期望，但系食完之后超级惊喜！完全唔系平时食开𠮶种日本鳗鱼嘅味，味道鲜甜，肉质非常之Q弹！超特别！再加埋配个沙律汁，酸酸甜甜，非常之开胃
龙虾汤 - 龙虾味超级浓郁，餐厅经理话呢一碗系超级足料，成只龙虾去煲嘅汤！同埋我非常欣赏佢个汤上面嘅酥皮，佢哋话系自家制嘅酥皮，好有牛油香同埋好松脆！我系一个超中意食pastry 既人，呢个酥皮真系数一数二咁好食！
荷兰传统青口锅 - 啲青口好新鲜爽口，食青口好最紧要就系佢汁，佢个汁有好香嘅酒味，餐厅职员亦都有解释佢哋唔系好似坊间咁用好多cream，佢哋用咗好多白酒去煮个汁。配埋佢哋𠮶个蒜蓉包点𠮶啲汁食好搭！
野生三文鱼& （另一种唔记得咩鱼）既酥盒 - 同我上面讲嘅一样，佢嘅酥皮系非常非常非常出色！原来佢个好特别嘅白汁，令人食完想再食🥹两款鱼嘅肉质都好弹牙。呢个菜式真系好特别！
我朋友话呢度嘅wine pairing又抵又好饮， $188有三杯，同埋呢度嘅老板本身系品酒师，所以对酒嘅要求都好高。好可惜我𠮶日唔系好舒服饮唔到
总括嚟讲我觉得成个餐厅都好有心去整嘢食，整出嚟嘅味道唔系咁容易喺另一间餐厅度，职员亦都好有心机，deliver一个好好嘅饮食体验客人。令我真心好想再去食多次嘅餐厅！
张贴
