潮州仔食堂 (已搬遷) 新店位置

之前講過我唔喺潮州人，唔知道潮州正統食物嘅味道，我喺比較膚淺，只能夠話好食同唔好食，啱我口味或者唔啱。呢個真係好味，唔去介紹下都唔得。豬什王(油麵)，餸係豬粉腸、豬肺、豬心、豬潤，樣樣都好入味又有鮮味，湯底係白胡椒＋豬骨湯底，味道又香又濃又鮮甜，油麵好爽口彈牙好味。呢間店嘅辣椒醬同埋菜甫，都係好正好好味，真係出乎意料得好緊要。檸檬茶都幾好飲。宜家喺香港食到豬什嘅地方越來越少，能夠有一間見到，我又啱時間，又有位食得到，更加係難能可貴。