初心 (已結業)

今次經過灣仔見到一間裝修好特別，感覺有啲似日本嘅居酒屋，於是我哋忍唔住入去試一試。入到去嘅裝修都冇令到我失望，相都上一層都有好多座位提供，環境都幾舒服。酸忌廉慢煮牛柳丼牛肉應該煮到五成熟左右，而且都算幾厚身，份量都有六片咁多。加上牛肉佢係慢煮嘅關係，感覺都幾鮮嫩。加埋溫泉蛋同埋香濃忌廉醬汁，真係好特別，相信出面都食唔到依個組合！純血和牛大盛牛肉厚度剛剛好，而且剛剛燒香，肉汁都好豐富。最特別係佢個飯底用左幾種米去做，包括左日本米，而且用左醬汁預先調左味，所以都唔需要額外嘅醬料。鍾意食牛嘅話真係唔好錯過！