大鍋口海鮮火鍋店 (已結業)

一大班同事相約收工去打邊爐, 其中一人提議大鍋口時, 我仲大鄉里地講去到咁遠?因為我以為是荃灣隔離既大窩口呢提早訂了台, 準時到達, 限時2.5小時, 比坊間多了半小時, 即使是邊吹水邊吃, 都一定夠時間!我地一行12人, 所以叫了兩個不同的湯底。一個是椰子雞, 一個是鯊魚骨, 其他好似分別不大, 事實上都幾足料!抵讚。一坐低有醬料任落, 服務良好, 而且種類繁多, 岩曬鍾意混醬既朋友。好快叫到一台都係食物!! 我就只寫幾樣推介的食物:牛肉: 雖然薄切, 一碟得12 塊, 你叫幾多碟佢就俾幾多, 絕無欺場。牛味濃郁, 比其他任食火鍋的美國肥牛更勝一籌。是日海鮮: 當日既係蜆, 一落左落去後, 成日都唔記得左撈返, 攪到粒肉都唔知飛左去邊。新解手打丸類: 非常新鮮彈牙!嚮鈴: 一放落去吸曬湯汁, 十分入味!餐肉: 厚切餐肉係打邊爐既最佳配搭, 我應該差不多吃了一罐。打邊爐除左個爐外, 食物都好重要, 仲有就係要一大班人先夠開心呢間無論質料, 服務, 環境都一絕, 下次一定會再黎呢度打邊爐。