.
🍽那個滷排骨便當
衝住大過塊面嘅排骨而黎，果然名不虛傳，女仔要食晒有啲難度。排骨用滷水醃完炸脆，皮好薄又入味，不過唔係舊舊都咁鬆化，有啲位置鞋鞋地。每個便當都配五款配菜，份量都唔少，唔食嘅記得剔走。今個星期係蒜香菜心、香辣炒冬粉、雲耳炒野菌、溏心蛋同涼菜，健康啲唔駛淨係食肉。
🍽古早味手工滷肉便當
滷肉肥瘦比例近乎1比1，肉質好淋有油香，個汁比另外兩款甜，送飯一流。
1
🍽那個滷香雞球便當
雞球有四大舊，炸衣同滷排骨一樣，甜甜地極脆好惹味，唔鍾意食雞皮嘅我都忍唔住食晒，雞球肉質嫩滑，保留到肉汁，我地覺得呢款比排骨更出色。
🍽香酥台南蝦捲 (2條)
蝦捲熱辣辣幾彈牙，灑上梅子粉調味。
☕️白桃蜜香烏龍（少甜）/花壇茉莉綠茶/南投碳焙烏龍
飲品款式好多，奶茶冬瓜茶青茶都有。白桃烏龍我叫左少甜但都係甜得滯，好彩糖漿唔係好人工嘅味道，都幾清新。綠茶淡淡地，花香唔算明顯。烏龍好香碳燒味，茶底夠濃，最鍾意呢杯，紙杯嘅設計都好有深意。
.
餸多飯大碗包飲品，質素高而且每人$100有找，必定回頭！
