大將 (已結業)

呢日黎到將軍澳呢間大將打邊爐，真係一等一既享受。我地叫左個南瓜水軍湯底，同埋一個蕃茄湯底，要左北海道和牛套餐。一黎我地就出左去調醬汁，拎野食同野飲，佢d野飲有罐裝都有咖啡/氣水機，而有d丸類菜類係出面自己拎。仲有雪糕機，同埋窩夫機！真係好有驚喜！講番d牛先，北海道和牛真係好有牛味，夠哂大塊，一落單就送到，佢既澳洲牛都唔錯！可以試試！ 野食一落單冇耐就到，湯底夠哂香南瓜同蕃茄味，真係一流，仲可以沖杯咖啡嘆下！食飽仲可以食埋雪糕，真係超享受！佢仲有好多唔同丸同菜，全部都好新鮮，最特別係有窩夫機，蛋漿已經調好左，跟住較番個沙漏向下，倒哂d沙就熟，真係超易操作。整好仲可以加雪糕同朱古力醬個d，熱辣辣真係好好食！一家大細黎真係一流！