大井町日式放題

由於之前嚟食過覺得幾好，所以今晚我們特意帶咗朋友去咗荃灣大鴻輝中心嘅「大井町日式放題」晚市放題！上一次嚟食係喺晚市先有，本人嘅至愛海膽可以任食優惠，但今晚已經轉咗係牡丹蝦，亦係本人嘅另一至愛！我們叫咗個雜錦刺身拼盤，當中最吸引嘅就係超新鮮大隻嘅牡丹蝦，肉質極之爽甜彈牙，味道超級鮮甜！蟹肉蒸蛋蒸得非常滑溜，蒸嘅時間火候控制得恰到好處！冰頭漬「三文魚頭軟骨」係我們第一次食，質感好爽脆彈牙，配上和風柚子醋一齊食，感覺好清新醒胃！另外有自助沙律同甜品吧，當中最驚喜同吸引到我們嘅係自家製日式和菓子，造型賣相極之精緻同色彩繽紛，食落嘅口感超煙煙韌韌，而且唔會有好甜同好膩嘅感覺！

冰頭漬「三文魚頭軟骨」

蟹肉蒸蛋

自家製日式和菓子