影片
更多
2025-07-17
244 浏览
今晚同fd一齊試下呢間既和牛放題,可以任食兩個鐘!一去到即刻叫左湯底先, 有好多款湯底可以選擇。我地叫左一個辣一個唔辣, 分別是喇沙湯, 濃味之餘又唔會好辣,味道岩晒香港人. 另一款叫左清清地既潮汕牛骨湯, 拎黎涮牛肉, 就可以食返牛肉最原本的鮮味. 等緊湯底滾的同時, 我地周圍睇下有咩火鍋既食材同埋配料, 發現係有超級多，完全唔使擔心淨食牛肉會好寡。基本上平時打邊爐會有既野呢度都有，包括唔同種類的蔬菜、雜丸、腸、雞翼、豬頸肉、豆製品等等。佢連餃子都有好幾款，我好鍾意佢既栗米豬肉餃，好好味。野飲當然都唔少得，有一整個雪櫃雪住唔同既飲品，任君選擇。佢亦有一個自助調料區，好多種唔同既醬，可以自己開開心心咁混醬。至於主角的牛肉, 佢係成盤咁樣上, 拼盤裡面有多款唔同的牛肉, 而且仲好貼心咁加上左標籤，清楚標示住係咩牛肉。我同fd試完咁多款, 最鐘意就係澳洲M7和牛同埋澳洲和牛金錢展呢兩款. 果然和牛就係和牛, 真係零捨唔同. 其中澳洲M7和牛的雪花分布均勻，一啲都唔會覺得肥。而且兩款和牛入口都係特別嫩滑同埋好有牛味, 我地最後都忍唔住encore再叫和牛黎食. 最尾呢度仲提供埋多款口味既雪
一去到即刻叫左湯底先, 有好多款湯底可以選擇。我地叫左一個辣一個唔辣, 分別是喇沙湯, 濃味之餘又唔會好辣,味道岩晒香港人. 另一款叫左清清地既潮汕牛骨湯, 拎黎涮牛肉, 就可以食返牛肉最原本的鮮味.
等緊湯底滾的同時, 我地周圍睇下有咩火鍋既食材同埋配料, 發現係有超級多，完全唔使擔心淨食牛肉會好寡。基本上平時打邊爐會有既野呢度都有，包括唔同種類的蔬菜、雜丸、腸、雞翼、豬頸肉、豆製品等等。佢連餃子都有好幾款，我好鍾意佢既栗米豬肉餃，好好味。野飲當然都唔少得，有一整個雪櫃雪住唔同既飲品，任君選擇。佢亦有一個自助調料區，好多種唔同既醬，可以自己開開心心咁混醬。
至於主角的牛肉, 佢係成盤咁樣上, 拼盤裡面有多款唔同的牛肉, 而且仲好貼心咁加上左標籤，清楚標示住係咩牛肉。我同fd試完咁多款, 最鐘意就係澳洲M7和牛同埋澳洲和牛金錢展呢兩款. 果然和牛就係和牛, 真係零捨唔同. 其中澳洲M7和牛的雪花分布均勻，一啲都唔會覺得肥。而且兩款和牛入口都係特別嫩滑同埋好有牛味, 我地最後都忍唔住encore再叫和牛黎食.
最尾呢度仲提供埋多款口味既雪糕作為甜品，包括伯爵茶、海鹽、香芋味等等。食完呢一餐，真係超級豐富超級飽足！
张贴
