朋友帶咗我去食日本野，餐廳環境以日式風格為主，有卡位，座位闊落，坐得舒適！
▫️牡丹蝦脆脆
師傅將蝦刺身切碎，配上魚籽加小料及秘製醬汁攪拌，將餡料放上脆脆一起食，口感多元有親切，刺身新鮮，充滿鮮味，好適合作為餐前前菜！
▫️極上鹽燒牛舌芯
相比普通燒牛舌，呢個用左牛舌芯，食落口感更加嫩滑，唔會太乾身，配合適當嘅咸香，整體更加惹味！
▫️日式醬油炒飯
今次呢個炒飯，估唔到好驚喜！簡單嘅一道醬油炒飯，飯粒粒粒分明，熱辣辣咁樣上枱，食落去醬油嘅香味，簡單而純粹，值得一試！
▫️一品山藥
師傅將山藥炸成一嚿嚿，外觀望落似薯仔，食落係帶點爽脆嘅山藥，師傅特登將山藥調味，食落味道獨特及惹味👍🏻
▫️滋養蠔
呢款料理相當特別，餐廳用秘製材料整咗滋養蠔鍋😋都有差唔多六至七粒蠔，大大粒，食落好鮮潤，而且感覺好養生！
