名代宇奈備長炭燒鰻魚飯專門店 (東港城)

有晩行街經過見到新開，而且裏面坐滿左客人，當時已經決定下次一定要試試佢。今晚決定＂的＂起心肝去試佢一餐。其實從佢個鋪頭名已經知道佢食咩-鰻魚。

照燒雞鰻魚丼－首先要講講呢度係可以免費加飯的而且送埋味噌湯。個飯送到上枱唔係特別大碗好似平時丼果d size 但已經要求左要加飯，雞同鰻魚沒有特別大驚喜，談不上好味但又談不上差。

鰻魚天婦羅烏冬－勝在個天婦羅係熱辣辣，而且個烏冬夠彈牙，但係個烏冬湯係極普通嘅醬油湯。又係一個冇深度、不過不失之作。

總括－冇咩特別，試過就算，未必會返轉頭再食。