鮨一 (厚福街)

今日同我嘅朋友一齊食飯，佢今日工作上有唔愉快，所以我諗住請佢食餐勁嘅回復翻心情。我地上網睇過鮨一嘅評價好唔錯，所以我地就出去厚福街食日本菜。

日本高糖度蕃茄沙律，蕃茄真係真係好香甜同好juicy，沙律菜好新鮮爽脆，Salad dressing微酸甜好開胃。

石垣貝刺身好新鮮 食落鮮甜，質感爽彈嫩口，十分美味。

甲羅燒係蟹蓋入面有蟹肉蟹膏同鵪鶉蛋製成嘅，蟹膏同蟹肉好鮮甜同好濃厚，加埋蛋黃係超級Creamy。

同烘多士一齊食係絕配。

牛舌唐揚係炸牛舌，依個太好味啦！外脆內嫩，炸過嘅外皮不油膩，牛舌食落juicy又香口。

辣酒煮廣島蠔，隻隻蠔都漲卜卜好肥美，食落鮮甜又唔腥。