台北車站 (已結業)

朋友知道我鐘意食酸菜魚同火鍋放題，所以佢就帶左我呢度，滿足晒我兩個願望。呢間餐廳都幾就腳，一出寶琳鐵路站過馬路就見到。餐廳環境都幾大，燈光光猛，乾淨整齊。火鍋放題先食煲類，煲類有三款揀，有麻辣烤魚、麻辣雞煲同埋酸菜魚，食完煲再食火鍋配料。火鍋配料有成三十幾種，全部在出面自取。佢仲有炸物同涼伴，飲品同糖水都係自取任飲，飲品仲有自家製無糖茶。而重點係超抵食，百令蚊就可以有咁多嘢食。酸菜魚：我哋唔食得辣，所以叫左個小辣。湯底甜甜酸酸，真係微辣。魚片份量都多，切得夠薄，食落覺得新鮮帶鮮味。裡面仲有酸菜、芽菜同薯粉等配菜，都幾多料。火鍋配料：我哋樣樣都攞少少，有青口、千張、豆卜、百頁豆腐、丸、菇、冬瓜同生菜，各款食落都OK，配酸菜魚湯底就比較清淡，啱晒我。糖水：蕃薯糖水重彊味，蕃薯煲到好淋，唔太甜，幾好。