八幡平石燒牛扒專門店 (Eastmark)

营业中

休息中

再次嚟到位於九龍灣工廠區嘅八幡平石燒牛扒專門店。呢間餐廳最大特色係你點完一份石燒肉，其他配料包括沙律、洋蔥蘿蔔牛肉湯、同埋白飯都係任食。石燒肉類方面，有牛、豬、雞任君選擇。牛肉又有唔同種類，唔同重量，視乎你想食幾多同食幾貴，豐儉由人。配菜方面，沙律有芝麻醬同和風醬選擇。至於牛肉湯就非常足料非常好味，成盤湯入面有好多蘿蔔同洋蔥任你裝。白飯又可以自己配飯素，等你食嘅時候，味道冇咁寡。今日有啲肚餓，所以揀咗270g嘅八幡平招牌牛扒（$125）。之前試過各種唔同款式嘅牛扒，覺得呢一隻最抵食，大家可以由呢一隻試起。配埋沙律湯同飯真係非常滿足。