今次帶大家去到銅鑼灣嘅熊本燒肉🥩
本身佢地做緊午市燒肉放題😃
呢家晚市堂食開返 夜晚食感覺更加滿足😎
喺呢度$296呢個價位已經可以食到澳洲M5和牛啦😍
除左呢款之外 仲有其他各式各樣嘅肉類提供💁🏻♂️
好似牛小排 安格斯西冷 牛舌 牛肩胛 三角肉 牛側腹橫肌 牛五花等等🐮
唔止添呀 豬肉方面有鹿兒島五花肉 豚西冷 豚肩
講都講唔晒🐷
更正嘅係供應埋刺身 新鮮切起 多重享受🤩
當然唔少得其他小食 沙律 海鮮 甜品應有盡有😬
飲品方面有各款罐裝野飲 仲有一樽樽凍無糖烏龍茶 方便食肉獸解膩😈
2小時任食 呢個價位真係好抵 幾大食都好都一定捧住個肚走🤗
值得一讚係佢地嘅抽油煙系統好好 食嗰晚個場都幾爆 但唔會覺得好大油煙💨
食完都唔會覺得個身一陣燒烤味 所以都算幾舒服👍🏻
