粉紅水門雞 (威達商業大廈)

隱世海南雞飯 價錢超貼地!!!
今次都算好彩
行女人街個陣咁岩見到呢間粉紅水門雞飯❤️
D食物全部都係$40樓下
現今既香港估唔到仲有咁平既堂食海南雞飯

海南雞飯好用心
飯係好香好香,我個盒仲有條香茅
而且飯唔乾身,係比較濕身超香!
海南雞係去骨無血而且非常非常嫩滑👏🏼

強烈建議大家要多個醬料,可以用黎撈飯❤️

咖哩牛飯!!!!超好味,送飯一流!

仲有一隻糖心蛋跟埋,真係好用心呀

泰式鳳爪
去左骨,食落好惹味!!!!

芒果糯米飯!飯比較硬身 芒果都甜