大和牛石燒專門店 (已結業)

行過德寶，發現一間專食靚牛嘅餐廳，門面招牌有我至愛嘅Burger，餐廳環境整潔，最正有卡位座，看餐牌選咗三重cheese 和牛Burger，平時習慣叫煎到7成熟就夠，職員回覆和牛關係廚師會以95至全熟為佳，好吧，第一次幫襯先跟返廚師意見，我地仲選咗加$12套餐，包汽水薯條＋湯,沙律,飯(任食)，初初我地跟本不清潔是任食，之後職員落單後通知可到後方自取湯,沙律,飯，咦，自助自取即係任食啦，仲要加$12就又汽水又沙律菜，沙律菜可配柚子汁或芝麻醬，好fresh好好味，仲有麵豉湯及珍珠白飯任裝。主角到啦，大大個和牛burger有9成熟，咬落Juice，食落帶有少少筋，咁樣食起來先有咬口，我只食到2重芝士的口感，可能因為已經溶化咗，另外有啲好似芝士mix薯溶嘅係肉扒面上幾好味，食哂個包已經好飽，最後食埋啲幼身薯條，呢個薯條如果改用粗波浪會更佳，薯條略為唔夠香口。埋單個價錢超級抵，食到和牛burger仲要配菜任食包飲包湯寔係$60，真係唔知邊到搵。