唐記包點 (華園閣)

营业中

休息中

每次經過唐記包點都大排長龍，今天有點時間，望一望，發現各款包點原價$8，做緊優惠價$6，各款蒸飯原價$27，做緊優惠價$20，真心抵，決定幫襯一下！包點選擇超多，今次試左奶皇包，大大個，熱辣辣，奶皇餡好幼滑，而且超多，正！另外足料糯米雞既餡料真係好足，有雞翼、叉燒、肥肉、瘦肉、肉碎、冬菇等等，足夠2個人食！鹹蛋肉餅飯，大大舊肉餅，而且食落肉發現餅內竟然有馬蹄，好有口感，如果加多點豉油就更美味！另外買左個紅豆砵仔糕做下午茶。紅豆遍佈成個砵仔糕面，$6真係好抵食。砵仔糕香甜唔黏牙，又唔會太甜，口感軟滑，值得一試👍🏻仲有豆腐花，同樣熱辣辣，又香又滑！