校友會雞煲

营业中

休息中

一直都好鍾意食呢間校長燒肉，因為佢又平又抵食，食物款式有好多。最近元朗嘅朋友介紹，原來呢度開咗間校友會雞煲，咁就梗係要來試吓啦。呢度嘅價錢好平，但係種類好多，而且環境全部都係卡位，坐落真係好舒服。一上枱，就俾咗個幸運轉盤我哋，好適合打卡，轉盤上面有好多唔同種類嘅食物，可以少少咁試吓，如果好食嘅話就可以再加單。就認為轉盤上面嘅雞翼尖最好食，調味啱啱好，有少少辣辣地越食越開胃。朋友唔係太食得辣，所以我哋叫咗個中辣嘅雞煲。雞煲一揭蓋就非常香，而且雞肉食落好嫩滑，少少辣嘅調味令雞肉更加香口。而且仲有點心任食，我覺得佢嘅燒賣好出色，比平時酒樓嘅更加好食。咁平嘅價錢又有火鍋又有點心又有雞煲真係好抵食。呢度竟然仲有罐裝啤酒任飲，真係啱晒一大班朋友傾偈飲酒聚會啊。