喜鍋 海鮮‧火鍋‧小廚 (已結業)

三五知己打邊爐當然要抵玩又方便啦，呢間邊爐店由油麻地站A1出口行去3分鐘就到，價錢抵玩、份量又多、料又靚，大食嘅朋友仔啱哂~ 🧡鴛鴦墨魚油炸鬼（$68）前菜必食推介！油炸鬼炸得好香脆，同泰式酸辣醬好夾，成個味道同口感都好豐富！黑松露版嘅本身都好夠味，唔點醬本身都好好食~🧡招牌花膠鯊魚骨膠原湯鍋（$208）用料十足，有好多花膠、雞腳同豬骨，鍾意骨膠原嘅朋友仔就啱哂喇！跟湯底送一份脆米，用湯泡黎食係幾過癮嘅，就算叫第二款湯底都推介叫一份脆米~🧡時令海皇盆（$168）抵食之選！海鮮盆又大又款多，有齊蝦、元貝、蟹、蜆同青口。蝦同元貝大大隻，蟹又多膏、蜆同青口都好新鮮，正！🧡蔬菜拼盤（$48）有3種唔同蔬菜，份量十足！🧡竹蔗茅根（$42）竹庶味十足，清熱又好飲！