新嚐泰泰國餐廳

营业中

休息中

夜晚收工行灣仔嘅時候見到有間樓上嘅泰國舖頭，我哋兩個就上咗去試一試依間新嚐泰泰國餐廳。餐廳環境好闊落，感覺都好乾淨好舒服。嚟到食泰國嘢，梗係要食吓串燒啦，雞同豬我哋都要試。上到枱仲有一個沙嗲醬，當然即刻全部林晒落去，而每一寸串燒都好粗好多肉。雞肉同豬肉串燒都唔會鞋口，點左沙嗲醬之後好惹味。另外講起泰國嘢食，梗係要試埋佢咖喱同薄餅啦。我哋叫咗青咖喱豬肉，賣相好靚，薄餅係脹卜卜嘅。本身以為都可以食得辣，但係佢後勁越食越犀利。特別推介佢嘅茄子，好林好好食。食咗咁多肉，我哋就叫咗個馬拉盞炒椰苗，千祈唔好睇小佢個辣味嘅後勁。雖然已經飽飽地，但係我哋都再叫咗個大頭蝦炒金邊粉。隻蝦睇相都見到超級大隻有多膏。以前都食過炒金邊粉好怕好多油，但依間嘅金邊粉就有鑊氣得來又少油。我哋仲兩個叫咗杯青檸梳打同凍檸茶解一解辣。今次上嚟都未試晒佢嘅菜式，下次一定再帶朋友嚟食。