辣媽手工粉麵(辣媽石窩魚) (已結業)

🐈Meowsan's Time🐈[✨超好味野山椒炒牛肉✨]追住红叶的尾巴, 去左大棠行一转🍁🍁。 然后就去今晚嘅目标，食水煮乜乜乜💪💪。三个人叫左5样野。 呢度有样好，可以拣唔辣、大中小辣，对于猫妈呢啲食辣BB级嘅人来讲，小辣就最啱👏👏👏👏! 既有辣嘅开胃👍，又有香料嘅香味👍!第一样系水煮桂花(无骨), 里面鱼肉唔算多，应该得半条鱼。 虽然鱼味比较淡，但鱼身劲滑😋😋! 里面亦有荳芽、红薯粉。 红薯粉靓，够烟靭😻😻。 个手撕鸡调味好，味道有少少似厚瑜兴，但更浓味👍👍。 另有少量青瓜丝铺底，索晒啲汁，好味😋😋😋! 最正系个野山椒炒牛肉，野山椒味浓，牛肉滑，食到停唔到口😋😋😋😋😋😋😋!! 朋友仲狂夹配菜唐芹!最后加左个糍粑，佢系将啲糯米饭泥炸到外脆内软，再加黄豆粉系面。 外面劲脆，里面松软，好特别。另加2碗白饭1支啤酒，埋单517。