極尚大瀛喜日本料理 (已結業)

而家好似多左好多放題店有自助前菜小食，呢間就有沙律、甜品之類，最岩落左單但野食未黎既時食lol 同埋飲品選擇係超級多! 第一round就拎左日式八爪魚同中華沙律，都係正常水準。但可能因為我地食果陣已經係夜啲既時段，好似好多樣食物冇乜refill lol。甜品區仲有macaron，味道唔係好甜，但就硬左少少-_-個人好鐘意食黃金燒帆立貝，一黎到一次過食左六隻，雖然唔係預期中有好濃芝士味，但佢個類似沙律醬既汁係會你食完一隻又一隻>_<刺身整體都非常新鮮而且最緊要係好多選擇。除左普通甜蝦佢地仲有好大條既珍寶赤蝦，兩種都好鮮甜好多肉。但唯獨是三文魚同帆立貝唔夠肥美 而壽司份量細之餘都decorate得好有心機，黑松露燒三文魚同芥辣蟹籽赤蝦絕對值得一試! 燒物味道都係above average，全部野燒完都唔會乾爭爭，尤其燒鰻魚係最好味，淋上去個醬汁又香又濃。我地都encore左超多汁既燒菠蘿! 值得一讚呢間放題整既野食d醬汁全部都恰到好處又好好味，overall食物質素都好好!