村爺爺車仔麵

估唔到喺油麻地，普通一間車仔麵店，竟然可以用$68嘅價錢，食到半隻龍蝦！

75

入到門口，大大個餐牌，可以慢慢選擇，店員就介紹龍蝦車仔麵，睇一睇個價錢😳😳咁平！試吓無妨！

喺門口點左食物之後，搵位坐低，店員會將食物送到枱上。
龍蝦車仔麵賣相👍🏼估唔到舖頭仲要有埋開龍蝦殼嘅工具，非常細心👍🏼反轉隻龍蝦一睇，都好多膏！同酒店自助餐嘅龍蝦有得揮👍🏼👍🏼

本身諗住食碗車仔麵，最後竟然係啖啖龍蝦肉，非常滋味，佢個湯底都幾濃，唔會太咸。加$8仲可以揀其他普通車仔麵嘅配菜，我揀咗咖喱魚蛋同埋西洋菜，都係好穩陣嘅選擇，唔錯唔錯。