韓日燒 (已結業)

估唔到除咗漢乜苑，仲有個任食韓燒，雖然冇咁多嘢食，但係勝在基本食物齊全，有些食物真係好好味，仲要咁平。選擇午巿時間，可以儘情食，唔駛擔心消化唔切問題。基本上所有肉都有得食，其中雞䁂，香芧蝦餅，真係好好食。麻辣魚蛋好正常。個鯖魚定乜魚好好味，當個日式定食都好抵，仲有佢有好多醬汁選擇。最尾燒個迷你紫薯亦好好味。冇位食甜品啦。其實有迴轉壽司，可能午巿比較少人，所以唔多選擇，最後冇試到。有個有趣地方，食店擺張牛油紙係面燒，燶咗有幾張俾你換，唔駛成日叫人換個鐵咁煩。美中不足係牛肉唔係咁入味。仲有建意加返食物牌，有時都唔知食咗乜食物，哈哈。