緣聚 (已結業)

聽朋友講元朗緣聚重新裝修再開業，決定與家人一齊去試試，以前去過覺得都幾抵食。一進店內感覺煥然一新，西式裝修部分華麗，另一邊日式塌塌米座位，很有日本feel。沒想到店內有新鮮生蠔供應，有點喜出望外，生蠔都幾大隻，很新鮮，肉質不算很厚，但夠晒滑。魚生種類也有很多，三文魚、帶子、吞拿魚、大甜蝦、赤蝦......整體感覺很新鮮，三文魚嫩滑鮮味，大甜蝦都算幾大隻，有鮮味，帶子亦算厚身，以放題而言，已是交足功課。芝麻雞翼好好味，外脆內軟，有肉汁，而且很香口。吉列炸蠔也不錯，不會炸得太乾，仍能保持蠔本身的肉汁，抵讚。燒鰻魚的香味聞到都想食，燒的時間剛好，外皮有微微脆，加上醬汁一齊燒，香口彈牙。燒羊架也不錯，不會太生，七八成熟，肉質嫩滑惹味。甜品種類超多，各式其式，想樣樣都試，真的有點難度，我覺得鯛魚燒不錯，是mini 版，不會太大，紅豆餡不太甜。亦有不少特飲，巨峰梳打幾好味，還有不少五顏六色的，真是花多眼亂。