帶我去咗呢間食辣嘅餐廳食香鍋～
原來已經開咗幾年仲有幾間分店
唔想煮飯嘅居民或者係附近做嘢想食晏
呢度嘅超值套餐性價比幾高！
嗌咗個麻辣香鍋，小辣已經非常過癮
有田雞、牛栢葉、嫩牛肉、蓮藕、寬粉、腐竹
材料選擇好多，可以自己任揀鍾意嘅配料
如果想傾偈坐耐啲飲杯啤酒🍻
呢個香鍋就啱晒～蓮藕同寬粉都係我嘅心頭好
另外嗌咗個套餐跟飯同一個手撕包菜
水煮魚嘅份量都唔少～有啲芽菜係底
夠滑唔腥，味道夠麻一啖接一啖唔會太鹹！
比較鍾意個鮮椒牛肉飯～好夠鑊氣
牛肉幾嫩口又冇筋，仲有脆肉瓜配飯一流
有水煮魚再配啲乾身嘅餸大家都食得好盡興！
餐廳位置都算多，多人食飯都冇問題
晚市好旺場！加上天氣開始轉涼
下次再去嘅話可以去食烤魚啦😆
1
