Lockeroom Dining (譽發廣場) (已結業)

阿仙奴球迷必到勝地，成間餐廳都係以足球為主題，窗邊掛滿阿仙奴名宿嘅球衣，亦都擺滿左阿仙奴嘅紀念品，作為阿仙奴球迷，真係會感受到零舍熱血😆😆😆⚽️⚽️⚽️唔好以為依間餐廳淨係裝修特別，都好打得。Lunch set每一款都相當吸引頭盤嘅羅宋湯同蒜蓉包相當有誠意，羅宋湯非常之濃郁，而蒜蓉包亦都十分香脆香烤美國牛肋排蜜糖燒汁兩塊分量十足嘅牛仔骨，肉質軟滑，同蜜糖燒汁配搭得非常好。脆炸吉列石斑魚青芥末醬即炸吉列石斑，肉質結實，賠上青芥末醬，中和番口入面嘅油膩感👍🏻👍🏻👍🏻誠意推介嘅梳乎里班㦸Pancake即叫即整，所以要等10分鐘左右，班㦸蛋白味香濃，口感非常鬆軟，加少少雲呢拿汁，真係勁滿足，配埋杯香濃咖啡，簡直完美。