河內大娘越南餐廳 (已結業)

搞左好耐都冇旅行去，好鬼唔開心，唯有食下越南野當去左越南旅行啦！黎到尖沙咀河內大娘，裝修都幾靚，好有越南風情。一開始先食個沙律頂一頂先，清下腸胃！食東南亞野一定要食青木瓜啦！烤豬頸肉青木瓜沙律感覺好清新，烤豬頸肉烤得好靚，青木瓜沙津又唔算太辣，個汁配得岩岩好。另外想越南野點可以唔食濛粉～平時都係食下海鮮豬雞，今次鮮茄蟹肉湯檬組合幾新鮮，原來蕃茄同蟹肉都幾夾架喎，成件事好清新，蟹肉亦夠新鮮彈牙。好飽呀！