协奏坊西餐厅

Sonata Western Restaurant
233
37
18
等级4
304
1
2019-10-03 2624 浏览
今时今日,$300内既价钱可以系酒店食到晚市buffet,真系买少见买。今次呢间酒店餐厅做紧芒果龙虾主题,早15日预订一口价都只需$268,价钱唔算贵,而且食评唔差,所以提前15日book左同屋企人试一试。冻海鲜有5款:蟹脚、面包蟹、小龙虾、冻虾、冻蚬我地主攻蟹脚同面包蟹,前者已经完全溶雪,肉质ok,海水味同蟹味比较淡,refill速度快,到完场都唔怕无得食。後者劲多膏,多到食一只已经觉得滞(图片中间果件就系盖上既膏,好大旧)!! 由於出边经常得番d蟹身系度,所以想食盖既人会觉得refill速度慢。冻虾就无乜虾味,弹牙度亦一般;冻蚬完全无味;小龙虾无试。沙律选择好多,捞好既有5款,另外仲有少少沙律菜供客人自己捞。餐厅其中一款主打沙律系「香芒龙虾鲜果沙律」,龙虾肉比较少,芒果味亦唔算出众,比较似杂果沙律,味道正常。我地试埋其他几款沙律,整体味道都唔错,d菜都新鲜爽口,而且沥水沥得好。日式corner提供4款刺身,包括带子、三文鱼、赤身吞拿鱼、希灵鱼,几款刺身都称唔上鲜甜;寿司、前菜小食,吉列炸蚝、芝麻鸡翼。炸蚝虽然厚粉,但蚝唔算细,而且几juicy;芝麻鸡翼新鲜热辣,外层香脆,肉质嫩滑,
更多
今时今日,$300内既价钱可以系酒店食到晚市buffet,真系买少见买。今次呢间酒店餐厅做紧芒果龙虾主题,早15日预订一口价都只需$268,价钱唔算贵,而且食评唔差,所以提前15日book左同屋企人试一试。


冻海鲜有5款:蟹脚、面包蟹、小龙虾、冻虾、冻蚬
60 浏览
0 赞好
0 留言

我地主攻蟹脚同面包蟹,前者已经完全溶雪,肉质ok,海水味同蟹味比较淡,refill速度快,到完场都唔怕无得食。

53 浏览
0 赞好
0 留言

後者劲多膏,多到食一只已经觉得滞(图片中间果件就系盖上既膏,好大旧)!!
由於出边经常得番d蟹身系度,所以想食盖既人会觉得refill速度慢。
冻虾就无乜虾味,弹牙度亦一般;冻蚬完全无味;小龙虾无试。

沙律选择好多,捞好既有5款,另外仲有少少沙律菜供客人自己捞。
46 浏览
1 赞好
0 留言

餐厅其中一款主打沙律系「香芒龙虾鲜果沙律」,龙虾肉比较少,芒果味亦唔算出众,比较似杂果沙律,味道正常。我地试埋其他几款沙律,整体味道都唔错,d菜都新鲜爽口,而且沥水沥得好。


46 浏览
0 赞好
0 留言
日式corner提供4款刺身,包括带子、三文鱼、赤身吞拿鱼、希灵鱼,几款刺身都称唔上鲜甜;
46 浏览
0 赞好
0 留言

寿司、前菜小食,吉列炸蚝、芝麻鸡翼。
48 浏览
0 赞好
0 留言

炸蚝虽然厚粉,但蚝唔算细,而且几juicy;芝麻鸡翼新鲜热辣,外层香脆,肉质嫩滑,必食。


汤品中西各一款,周打汤、雪耳海底椰汤。由於我唔好饮汤,所以无试到,口渴就饮奶茶、咖啡、柠茶、柠水。
58 浏览
0 赞好
0 留言
肉类方面,西式既代表有「炭烧美国黑豚肉」、「烧牛柳」;港式代表「烧味拼盘」,内有叉烧、烧鸭、烧排骨。
37 浏览
0 赞好
0 留言

黑豚肉调味唔错,而且有少许炭烧味;牛柳烧得岩岩好,中间位肉质嫩口
;大啡菇简单调味,烧到好juicy
;烧味拼盘中叉烧同排骨比较乾身,但烧鸭皮仲脆,而且好有油香~

其他熟食仲有「鲍汁花胶炆鸭掌」、「黑松露忌廉意粉」、「意大利饭」、「和风豆腐牛肉锅」、「酸菜鱼」、「蟹肉扒节瓜」、蔬菜等。
36 浏览
0 赞好
0 留言

仲有一个明为「烧龙虾尾喇沙米粉」corner,其特别之处,系无职员企位,要食就要自己落手落脚整,实行真正既「自助餐」!!~

36 浏览
0 赞好
0 留言

37 浏览
0 赞好
0 留言
由於今个月系芒果主题,所以有唔少芒果为主既
甜品:西式有「流心芒果芝士挞」、「芒果拿破菕」、「芒果千层蛋糕」、「芒果日式芝士蛋糕」、「芒果朱古力卷」,另外仲有Tiramisu、班兰蛋糕、自制pancake、雪糕等;中式既有豆腐花、椰汁西米露、芋圆。
26 浏览
0 赞好
0 留言
咁多款甜品中最值得推介既有香浓既芒果芝士挞
、油lulu既焦糖炖蛋
、香浓软绵绵既班兰蛋糕
、脆卜卜既拿破菕,而妈妈最中意滑溜既豆腐花同千层蛋糕。唔推荐既系无味又硬既芋圆、无蛋香既pancake、芒果味盖过芝士味既日式芝士蛋糕。

今晚全场大概8-9成满,即使人多、小朋友多,但都唔会觉得好嘈吵;环境又唔会好迫好狭窄;食物选择比想像中多,质素亦唔差,如果以$268呢个价钱,我觉得食得过。


题外话:本人book枱时问左职员收费,佢覆我由於提早15日订枱,所以价格系$268。结果,我地食完埋单先知因为第2日系假期,所以酒店只可以做到提前10日预计既优惠价(即$308)。当日仲有几枱客人都有呢个情况,有部分客人指系openrice个网站见到promotion系写$268,职员只能表示广告出错。我地仍然对此耿耿於怀…..😣
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2019-09-30
用餐途径
堂食
人均消费
$308 (晚餐)
用餐优惠
优惠券