Outback Steakhouse (已結業)

可能真係太來冇食過outback, 對佢嘅食物質素有啲錯覺。睇嚟食完今次，有排先會再食。平安夜食晚餐要訂位係必然嘅，真心唔明白點解有咁多人walk in。先講服務，訂左六點半嘅枱，六點三去到， 佢真係六點半先比張台我哋坐，真係計盡一分一秒架姐。望住個餐牌諗來諗去，好辛苦先叫到幾樣啱食嘅嘢。原因係記得佢個rib唔好食 ， 牛排又冇咩信心。黑糖麵包依然美味。芝士薯條可以話係今餐嘅主角，又好味又夠份量！好彩冇叫牛排，佢個牛真係唔得。個牛肉漢堡乾到不得了，冇肉汁唔再講，連牛肉味都唔覺有。由於諗極都諗唔到叫乜野，所以試咗依個taco。啲牛柳同樣係冇咩牛味，但感覺上冇咁乾， 可能因為加左菜，都算係一個幾特別嘅嘗試，味道唔算太差。兩舊超大嘅雪糕，好滿足啊！不過個brownie好滯。平安夜要搵一間唔殺你一筆嘅餐廳真係好難，outback都算係價錢上OK，最重要係有狼仔陪我食，下年繼續一齊覓食！