曉 (已結業)

今日搵左間日本料理食獎勵下自己，呢間位於登龍街永光中心既曉居酒屋，想試好耐。雖然人樓上既餐廳，但裝修都好有日本居酒屋味道，有啲食客係鍾意坐吧枱，因為可以同廚師有多啲互動同交流。不過今日落雨，我地就想坐得舒服啲，坐左係梳化位。今晚我點左好多唔同小食，印象最深刻竟然係個蒸蛋，算係我食過最好食既蒸蛋，蛋除左超級滑，味道有陣香味，相信係廚師有秘笈。食左一堆串燒同刺身，最後上左肥腸鍋，我地太飽叫左個細份，味道剛剛好，兩個人食好足夠。