水木日本料理 (已搬遷) 新店位置

以前都嚟过食几次都几好，今日初四开工谂住食好啲就嚟呢到，点知失望唔单止，仲好嬲。服务唔讲啦，初四人多服务唔到我理解，但系我叫咗个碎鱼生饭食，嚟到睇到真系忍唔住讲咗句粗口。188蚊，见到d蟹柳碎已经o咗咀，然后再望真的，除咗个一细份海胆，其他个d料，三文鱼碎加埋都唔知有无5粒，吞拿鱼就用最cheap个d，争鲜都靓过佢，其他大部分系章红鱼，蛋同青瓜粒。认真，我求其去间伪日本料理叫碗角切都靓过呢碗嘢。我同事个寿司刺身set仲离谱(好后悔无影相)，完全图文不附到一个点，带子刺身无咗，比d唔太靓嘅鱼换咗，2件军舰都变咗半份军舰，加2件cheap到爆嘅吞拿鱼三文鱼寿司，total，4件寿司仔加8块刺身(我记得无靓嘢)，睇到实物真系孤寒到你唔信，咁就228。我前几次嚟真系唔系咁，点解而家会可以恶劣成咁？真系当人系水鱼咁嚟呃，好差。