喜聚火鍋雞煲專門店

依間餐廳比我嘅體驗差到從來唔寫食評嘅我都要黎寫翻篇劣食評！
準時到，但係唔比人入去，叫你係門口坐，要揀好個餐先比你入
我地三個人，但得二人卡座，第三個人要坐係張突出過道嘅圓凳度，隔離係上餸地方，條過道D人來來回回撞左我幾次
刺身拼盤，第一次見雞蛋卷都叫刺身？
雞煲，味道不過不失，無乜特別，花膠膠到唔膠，一睇就唔好食
個海鮮蒸鍋有d不知明魚肉，同埋第一次見魷魚卷都可以蒸？
重點黎啦，點左幾款牛肉，哇無一款好食，第一次食到咁難食嘅牛肉，碌完d顏色仲勁黑，唔敢再叫
霖住叫其他食物，第一次食到d咁霖嘅鱔片
最後只可以食d菜同丸飲汽水塞飽個肚
最激氣係食到後邊突然話夠鐘叫我地走，出邊無寫過任何顯示限時嘅信息，同埋早過我地入黎嘅台無人叫佢哋走，仲要帶下一台客過黎企係我地隔離比壓力你，雙方都好無奈
最後一提，隔離台一班人飲醉酒大大聲吵到全場都聽到，無人出面處理，可能因為佢哋多人掛，環境仲衰過去大排檔
總結，劣食，貼錢買罪受