喜記避風塘炒辣蟹 (謝斐道)

营业中

休息中

唔系近日食啦, 但系半年前左右啦.补番个食评.话说想食避风塘炒蟹, 朋友点来点去,结果误打误撞黎到喜记门口,老实讲, 未食过, 但系谂住湾仔一带,呢类食店都应该ok啦,于是决定入去食.首先在门口已经难左我一下...门口呢?!个门口我唔知系自己盲定系笨...揾左好耐都摸唔出黎...要店员开门俾我至得...好隐蔽... 入到去... 有少少后悔...灯光好暗, 但都坐满左人...好似好多类生意佬人士...感觉背部有少少汗...但系入到黎, 都系试试啦...当日我同朋友叫左一只炒蟹, 大只濑尿虾两只, 一个小炒--炒鹅肠, 一份炒蚬, 两支汽水,同埋一个白饭,就食左千六蚊.真系相当贵... 因为睇外观, 间店唔应该系咁高价位啰...味道方面, 蟹好大只, 几好肉, 炒法好香, 都几好味ge~濑尿虾都新鲜, 好好肉地, 有少少膏添, 都算系几好咖啦~常规都系椒盐啰~炒鹅肠都算过得去, 中等啦,炒蚬系例牌货, 冇咩特色.只蟹一黎就要左一千大元... 呢一点好有黑店feel....所以, 我估我唔会再去啦, 而且都会劝亲朋好友唔好去...